Romualdez nakakuha ng mataas na trust, approval ratings

MANILA, Philippines — Nakakuha si House Speaker Ferdinand Martin Romualdez ng mataas na trust at approval ratings sa nationwide survey ng RP-Mission and Development Foundation Inc. (RPMD) na ginanap noong Marso 18-23, 2024.

Nakakuha si Romualdez ng impresibong 75% trust ratings habang 72% top performance ratings.

Sa naturang independent at non-commissioned survey, pinakamataas ang nakuha niyang 80.1% trust at 78.1% approval sa Visayas.

Ang nakuha naman niyang suporta ay nag-iiba-iba sa iba’t ibang rehiyon, na nagpapahiwatig din naman ng mataas na trust at performance satisfaction.

Lumitaw rin sa naturang survey na ang House of Representatives, sa pamumuno ni Romualdez, ay nakatanggap din ng mataas na papuri dahil sa 78% trust at 75% job satisfaction ratings.

Bukod kay Romualdez, nakakuha rin si Pang. Ferdinand ‘Bongbong’ Marcos Jr. ng mataas na trust, 79% at approval, 76% habang si Vice Pres. Sara Duterte ay 77% trust at 74% approval.

Nakakuha rin ng malawak na suporta si Senate President Migz Zubiri na may 73% trust at job performance ratings na 70%.

Ang survey ng “Boses ng Bayan” ng RPMD ay nakatuon sa isang magkakaiba at pambansang representatibong sample ng 10,000 may sapat na gulang mula sa mahigit 67.75 milyong rehistradong botante.