Pagpapanagot sa 'sex crimes' ni Quiboloy umani ng suporta ngayong Women's Day
Pastor Apollo Quiboloy, leader of the sect Kingdom of Jesus Christ the Name Above Every Name, was reportedly detained in Hawaii after stash of cash were discovered on his private jet.
MANILA, Philippines — Nagpakita ng suporta ang isang progresibong alyansa sa pagpapaimbestiga ng Senado sa diumano'y "sex trafficking" ng isang religious leader, ito kasabay ng pagdiriwang ng International Women's Day ngayong ika-8 ng Marso.
Ito ang ipinahayag ng Movement Against Tyranny (MAT) matapos i-cite in contempt ni Sen. Risa Hontiveros ang FBI wanted at Kingdom of Jesus Christ (KOJC) founder na si Apollo Quiboloy dahil sa hindi pagdalo sa mga Senate hearing.
"The Movement against Tyranny (MAT) commends and strongly supports Senator Risa Hontiveros for her persistent efforts to hold Kingdom of Jesus Christ (KOJC) founder 'Pastor' Apollo Quiboloy and his co-accused accountable for the charges of sex trafficking of women and children and other wrongdoings," wika ng MAT ngayong Biyernes.
"At the same time, MAT denounces in the strongest terms Quiboloy for his extremely unjustifiable actions against his victims who had initially looked up to him as a champion of Jesus Christ, a most abhorrent ploy to pursue his evil deeds."
Inirerekomenda na ng Senate committee on Women, Children, Family Relations and Gender Equality kay Senate President Juan Miguel Zubiri ang agarang pag-aresto kay Quiboloy kaugnay ng contempt upang mapatestigo na ang nabanggit.
Wanted si Quiboloy sa US Federal Bureau of Investigation (FBI) kaugnay ng reklamong sex trafficking sa mga kababaihan at menor de edad, bagay na idinadaan diumano sa proseso ng KOJC.
"This year's International Women's Day on March 8 will best be commemorated with justice served to the women and girls who had bravely spoken out against the grave injustice they have been subjected to, underscoring the same cruelty that many other women and children have suffered and continue to suffer from tyrannical actions that have gone unchecked in a corrupted social structure," dagdag ng MAT.
"Quiboloy's cowardly no-show at the Senate hearing further confirms his possible guilt. And now, the looming extradition by a US court for his criminal cases is more than just enough to make him accountable for his criminal acts against women and children."
Hinihiling din ng grupo sa lahat ng senador na suportahan si Hontiveros kaugnay ng contempt charges laban sa "Appointed Son of God," bilang pagpapakita aniya na pananaig ng katotohanan at katarungan ngayong panahon ng Kwaresma.
Pagpapabaliktad sa contempt
Huwebes lang nang ilahad ni Sen. Robinhood Padilla na umabot na sa apat na miyembro ng Senate Committee on Women, Children, Family Relations and Gender Equality ang tumututol sa contempt order laban kay Quiboloy.
Bukod kay Padilla, tutol aniya sina Sen. Bong Go, Sen. Cynthia Villar at Sen. Imee Marcos sa pagpapa-contempt at pagpapaaresto kay Quiboloy sa dahilang may "separation of church of state." Bukod pa rito, sobra-sobra na raw aniya kung pagtutulungan ng Senado, Kamara at Department of Justice (DOJ) ang kontrobersyal na religious leader.
Una nang pumirma si Sen. JV Ejercito sa parehong written objection ngunit binawi niya ito matapos mabalitaang kakasuhan ng DOJ ng sexual abuse at qualified trafficking si Quiboloy.
Alinsunod sa Section 18 ng Rules of Procedures Governing Inquiries in Aid of Legislation, kinakailangang magkasundo ang ang mayorya ng miyembro ng isang komite bago maibaliktad ang contempt. Dahil dito, kulang pa sina Padilla ng apat.
Kasalukuyang nagtatago si Quiboloy matapos ilahad na nais siyang "ipa-kidnap" at "ipapatay" ni Pangulong Ferdinand Marcos Jr. sa utos diumano ng FBI at Central Intelligence Agency.
- Latest
