Dating DILG undersecretary Martin Diño pumanaw na
MANILA, Philippines — Pumanaw na sa edad na 66 ang dating Interior undersecretary na si Martin Diño matapos ang higit isang taong pakikipaglaban sa stage IV lung cancer, pagkukumpirma ng kanyang anak na si Liza Diño.
Ayon sa statement na inilabas ni Liza sa Facebook, pumanaw ang kanyang ama bandang 2:15 a.m. nitong Martes, August 8, sa piling ng kanyang pamilya.
“Martin Diño was not only a dedicated public servant but also a loving husband, father, brother, and friend,” sabi ni Liza.
“His unwavering commitment to his responsibilities, his tireless work ethic, and his passion for service defined his life's journey. His contributions to our nation's progress, particularly on local governance and barangay development, will forever stand as a testament to his commitment to a better society.”
Gaya ni Martin, naglingkod din sa gobyerno si Liza bilang dating chairperson ng Film Development Council of the Philippines.
Ang pagpanaw ni Martin ay inanunsyo matapos ang isang post ni Liza kahapon, August 7, na nasa kritikal na kondisiyon ang kanyang ama.
Unang isinapubliko ang kondisyon ni Martin noong nakaraang buwan, July 9, kung saan binanggit din na higit isang taon nang diagnosed sa lung cancer ang dating undersecretary.
Kilala bilang “Bobot” sa kanyang mga kaibigan, tumayo rin si Martin bilang Chairman ng Violence Against Crime and Corruption.
“During this challenging time, our hearts are heavy with grief, but we are comforted by the outpouring of love and support from friends, colleagues, and well-wishers. We extend our heartfelt gratitude to all those who have offered their prayers,” dagdag pa ni Liza.
Matatandaang nakatakbo sa pagkapresidente si dating Pangulong Rodrigo Duterte bilang "substitute" matapos umatras ni Diño bilang standard bearer ng Partido Demokratiko Pilipino-Lakas ng Bayan’s (PDP-Laban) noong 2016 national elections. — Philstar.com intern Matthew Gabriel
- Latest
