Solon nadismaya sa hatol vs hazing suspects

MANILA, Philippines — Dismayado si 2nd District Cagayan de Oro City Rep. Rufus Rodriguez sa umano’y ‘kid glove’ na hatol ng korte ng Baguio City laban sa dalawang Philippine Military Academy (PMA) cadets na ikinasawi ng freshman na si Darwin Dormitorio noong 2019.

“I am utterly disappointed with the verdict, which is like a slap on the wrist. The kid-gloves decision will not discourage hazing. It is a travesty of the Anti-Hazing Law,” pahayag ni Rodriguez sa ipinataw na guilty sa kasong ‘slight physical injuries ‘ laban sa mga hazing suspects.

Sinabi ni Rodriguez, dating UP Law Dean na nabigo ang hukom na ipakita sa mga fraternity members na dapat pagbayaran sa batas ang hazing bilang isang mabigat na uri ng krimen.

“Anyone participating in this cruel and deadly activity should pay a heavy price to discourage similar offenses in the future. The law must be applied to its fullest extent so we can save lives,” ayon sa solon.

Ayon kay Rodriguez, wala ni isa man na sangkot sa pagpatay kay Dormitorio at iba pang mga hazing victims ang nakatanggap ng mabigat na kaparusahan ng batas.

Nitong Biyernes ay hinatulan ng Branch 1 ng Baguio Municipal Trial Court ang mga suspect na sina PMA cadets Julius Tadena at Christian Zacarias ng guilty sa ‘slight physical injuries’ na nasentensiyahan ng 30 araw na pagkakakulong. Inatasan rin ang mga ito na magbayad ng P 100,000 danyos perwisyos at P50,000 legal fees.