De Vera itinalagang CHED chairman
MANILA, Philippines — Muling itinalaga ni Pangulong Ferdinand “Bongbong” Marcos Jr. si Prospero de Vera III bilang chairman ng Commission on Higher Education (CHED).
Nagsilbi si De Vera bilang chairman ng CHED mula Oktubre 2018 hanggang Hulyo 21, 2022.
Naging komisyoner din ng CHED si De Vera mula Setyembre 2016 at officer-in-charge nang magbitiw ang tagapangulo nito na si Patricia Licuanan noong Enero 2018.
Samantala, ginawa ring opisyal ni Marcos ang pagtatalaga kay Raphael Perpetuo Lotilla bilang kalihim ng Department of Energy.
Nauna rito, sinabi ng Department of Justice na maaaring kunin ni Lotilla ang posisyon kahit pa siya ay nagsilbi bilang isang independent director sa power firms na Aboitiz Power at Exenor.
Pinanatili rin ng Pangulo si Rosalia Villegas de Leon bilang National Treasurer ng Pilipinas.
Bukod sa mga nabanggit itinalaga rin Marcos sina Franz Josef George Espina Alvarez bilang Acting President, Chief Executive Officer at Member, Board of Directors ng PNOC Exploration Corporation; Pedro Ramirez Laylo, Ambassador Extraordinary and Plenipotentiary to the State of Israel; Emmanuel Buenaflor Salamat, Executive Director, National Secretariat ng National Task Force to End Local Communist Armed Conflict; Epimaco Verano Densing III, DepEd Undersecretary; Ferdinand Galvez Sevilla, president, Philippine Public Safety College, DILG; Benny Diaz Antiporda, acting Administrator at miyembro ng Board of Directors ng National Irrigation Administration;
Monica Prieto Teodoro, Special Envoy of the President to the UNICEF; at Alex Quiroz: Chairman Governance Commission for Government-Owned or Controlled Corporations.
- Latest
