NDRRMC nagbabala sa nanghihingi ng donasyon
MANILA, Philippines — Nagbabala ang National Disaster Risk Reduction and Management Council (NDRRMC) sa publiko na huwag magpaloko sa mga nanghihingi ng donasyon gamit ang pangalan ng ahensiya bunsod ng pananalasa ng Bagyong Odette.
Ayon kay NDRRMC Spokesman Mark Timbal sa mga “in-kind donation” maaaring makipag-ugnayan sa Office of Civil Defense sa 0917-827-5743 at DSWD sa 0927-436-1039.
“Kayo po ang tatawag sa amin, hindi po kami tatawag kasi marami pong nagpapakilala na sila raw po ay nanghihingi ng donasyon. Umiiwas po tayo sa mga scam na iyan,” ani Timbal.
Sinabi ni Timbal na bukas din sila sa cash donations subalit direkta itong idedeposito sa mga bangko at hindi sa NDRRMC.
Sa ngayon aniya, prayoridad na kailangan ng mga nasalanta ni Odette ang pagkain, tubig, construction materials at hygiene items.
- Latest