Ika-2 empleyado sa Kamara nagpositibo rin sa COVID-19

MANILA, Philippines  — Isa pang empleyado ng Kamara ang nagpositibo sa COVID-19.

Kinumpirma ni House Secretary General Jose Luis Montales na ang nasabing empleyado ay nagtatrabaho sa Printer Service ng Kamara.

Huling nagreport sa trabaho ang empleyado noong Marso 5 at nag-leave noong Marso 6 kung saan ay na-confine ito sa hospital noong Marso 7.

?“The diagnosis was Dengue. The doctors later tested him for COVID-19 on March 12 and 14, and the results just came out today,” ani Montales.

Una nang nagpositibo sa COVID 19 ang isa pang empleyado ng Kamara na mula rin sa Printing Service na namatay nitong Linggo.

Dahil dito, nagsagawa ng disinfection ang Kamara at sinuspinde na rin ang pasok simula Marso 16 hanggang Abril 12