Anak ni Lucio Tan bagong PAL Pres.

MANILA, Philippines — Pinalitan ng anak ni business tycoon Lucio Tan ang pamamahala sa Philippine Airlines bilang bagong  pangulo at chief operating officer ng PAL.

Ito’y matapos na kumpirmahin ang pagkakatalaga kay Executive Vice President Vivienne Tan bilang Officer-in-Charge ng PAL kasunod ang pagretiro ni President at COO Jaime Bautista.

Ayon sa pamunuan ng PAL, tinanggap ng Board ang retirement ni Bautista upang magugol niya ang panahon nito sa kanyang pamilya.

Sinabi ni Vivienne na ipagpapatuloy nito ang magandang sinimulan ng PAL patungo sa tagumpay dahil siya mismo ay naging kaakibat nito sa mahabang panahon na panunungkulan ng kanilang kumpanya.

Ang nakababatang Tan ay kasalukuyang board member ng Tan holding firm LT Group Inc., Philippine National Bank, Eton Properties, Dynamic Holdings, University of the East at UERMMMC.