‘Walang destab plot vs Digong’ - PNP

MANILA, Philippines — Walang nakikitang banta ng destabilisasyon ang  Philippine National Police laban sa admi­nistrasyon ni Pangulong Rodrigo Duterte.

Ayon kay PNP Chief Director General Oscar Albayalde, sa ngayon ay wala silang namo-monitor na destabilization plot laban sa administrasyon.

Maging sa kanilang intelligence monitoring umano ay zero information ang PNP at wala silang nakukuhang impormasyon.

Hindi naman matiyak ni Albayalde kung dapat pa nilang kausapin si Boy Saycon para sa si­nasabing destabilization plot.

Ito ay dahil si  Saycon ang nagpalutang na may tangkang pagpapatalsik sa Pangulo ng ilang lider ng Simbahang Katoliko matapos ang pahayag ni Duterte na “stupid God’.

Samantala, sinabi naman nina Ifugao Rep. Baguilat. At Akbayan Rep. Tom Villarin na wala nang basta naniniwala sa sinasabi ni Saycon.

Sinabi pa nina Baguilat at Villarin na ang pagkakasama kay Saycon para makipagdayalogo sa simbahan ay paraan lamang para lalong magkahati-hati ang mga mananampalataya.