Kaso vs dog slayer sa MMFF isinulong

MANILA, Philippines – Isinusulong ni Quezon City councilor Karl Castelo ang pagsasampa ng kaso laban sa mga nasa likod ng pelikula na nauna nang binawian ng award ng Metro Manila Film Festival dahil umano sa pagpatay ng aso.

Bukod sa pagkondena laban sa animal cruelty, gusto ni Karl na imbestigahan ang napaulat na pagpatay ng aso sa ngalan ng sining upang malaman kung may criminal liability ang mga producer at top executives ng pelikula.

“Charges should be filed against them if the act constitutes animal cruelty,” sabi ni Castelo.

Gamit ang mga probisyon ng Republic Act 8485 o ang Animal Welfare Act of 1998, sinabi ni Castelo na ang mga lumalabag sa naturang batas ay nahaharap sa multa na P1,000 o pagkakulong ng hindi kukulang sa anim na buwan.

“As I understand it, people can be punished over any form of cruelty against animals. But reports say a dog was actually killed for the movie. Whether it was for the enhancement of the film or whatever purposes, it does not justify the slaughter of an animal, especially a dog which is man’s best friend,” ani Castelo

Ang sangkot na pelikula ay ang “Oro” na kalian lamang ay tumanggap ng Fernando Poe Jr. Memorial Award for Excellence mula sa MMFF. Ngunit binawi ng MMFF ang award matapos ipalutang ni Sen. Grace Poe ang isyu ng animal cruelty sa pelikula.

Bago ang reaksiyon ni Poe’s reaction, kinuha ng mga animal welfare groups na Philippine Animal Welfare Society (PAWS) at People for the Ethical Treatment of Animals ang atensiyon ng MMFF ukol sa pagpatay ng aso.

Kahalintulad ng kakbang ni Karl,  nais ni Poe at mga naturang grupo na imbestigahan ang usapin.