Councilor, aide kalaboso

TUGUEGARAO CITY, Cagayan, Philippines - Kalaboso ang bagsak ng 30-anyos na municipal councilor at alalay nito matapos kasuhan ng pulisya sa tangkang pag-‘salvage’ sa kanyang dating tauhan sa bayan ng Luna, Isabela kamakalawa. ?

Kinilala ni P/Senior Insp. Reynaldo Viernes, hepe ng Luna PNP ang mga suspek na si Councilor Jesson Baysac at Nelson Del Rosario, 27.?

Kinilala ng biktimang ni Ronel Japay ang mga suspek na siyang gumapos sa kanya at inihulog sa sapa noong Huwebes ng gabi (Nob.24)  dahil sa personal na alitan.?

Ayon kay Viernes, dating tauhan ng opisyal si Japay sa kanyang internet shop kung saan lumipat ito sa kakumpitensiyang internet shop.?

Base sa tala ng pulisya, nilasing ng mga suspek si Japay saka ito iginapos at itinapon sa Marabullig creek subalit himalang nakaligtas.?

Ayon pa sa pulisya, nag-report sa presinto si Japay na nakagapos pa ng alambre ang mga kamay.