Higit P1 oil price hike
MANILA, Philippines – Asahan umano ang big time oil price hike ngayong papasok na linggo kasunod ng patuloy na pagbaba ng halaga ng piso kontra dolyar at galawan sa presyo ng krudo sa internasyunal na merkado.
Sa pagtataya ng mga oil experts, inaasahan na maglalaro sa P1.40-P1.60 kada litro ang itataas sa presyo ng gasolina, P1.10-P1.20 sa kada litro ng diesel at P1.30-P1.40 sa bawat litro naman ng kerosene.
Sa naturang halaga, nasa P.20 sentimos nito ay dahil sa patuloy na pagbulusok ng halaga ng piso kontra sa dolyar.
Nasa P49.85- US$1 ang palitan kahapon ng piso kontra dolyar.
Kabilang rin sa dahilan ang pagbalanse ng presyo ng krudo sa internasyunal na merkado dahil sa pagkakaroon ng positibong pananaw sa posibleng pagpayag ng OPEC (Organization of Oil Producing Countries) na magkaroon ng limitasyon ang pinoprodyus nilang krudo sa darating na konbensyon sa Vienna sa Nobyembre 30.
- Latest
