Magnitude 3.3 na lindol tumama sa Leyte

MANILA, Philippines – Niyanig ng magnitude 3.3 na lindol ang probinsya ng Leyte kahapon ng umaga, ayon sa Philippine Institute of Volcanology and Seismology (Phivolcs).

Ayon sa kagawaran, ang sentro ng lindol ay naramdaman dalawang kilometro sa northwest ng Dagami sa Leyte, ganap na alas 6:05 ng umaga.

Naramdaman ang intensity 3 sa Tanauan, Leyte habang intensity 2 naman sa Palo, Leyte.

Tectonic ang origin ng lindol na may lalim na 116 kilometers.

Wala namang iniulat na nasaktan o nasirang ari-arian sa naturang pagyanig.