54 patay sa huminang 'Seniang'

MANILA, Philippines -- Humina na ang bagyong "Seniang" na ngayon ay isa na lamang low pressure area (LPA) ngunit tumaas naman ang bilang ng iniwan nitong patay.

Huling namataan ng state weather bureau ang LPA sa 210 kilometro timog timog-silangan ng Puerto Princesa City.

Samantala, 54 na ang patay sa pananalasa ni Seniang sa Central and Eastern Visayas, Northern Mindanao, Caraga at Davao regions, ayon sa National Disaster Risk Reduction and Management Council (NDRRMC).

Umabot din sa 40 katao ang sugatan, habang pito ang nawawala.

Nasa 486,512 katao ang naapektuhan ng huling bagyo sa Pinas nitonf 2014, kung saan 1,533 tahanan ang nasira.