‘Bahay sa N. Ecija hindi mansion’ – Purisima
MANILA, Philippines - “Malinis po ang aking konsensya. Napakalinis po, malinis na malinis.”
Ito ang inihayag ni PNP Chief Director General Alan Purisima sa pagharap nito sa media kahapon.
Ayon kay Purisima, isang ordinaryong bahay lamang ang kanyang tahanan sa San Leonardo, Nueva Ecija at hindi mansiyon.
Aniya, aerial shot ang nakunan sa kaniyang bahay kaya mukhang ‘luxury mansion’ ito at ang masama ay hindi naman nakita ang totoong nasa ibaba.
Nagkakahalaga anya ito ng P3.7 M pero sa pagtaya ng mga kritiko ng PNP Chief ay aabot ito ng halos P50 M.
Itinanggi rin niya ang ulat na Olympic size ang swimming pool nito dahil 7.5 m x 15m lamang ang sukat nito.
Nakahanda naman si Purisima na ipakita ang kaniyang bahay at inimbitahan pa ang media na bisitahin ang kanyang ordinaryong bahay para ang mga ito na mismo ang humusga.
- Latest
