Libreng internet hatid ni MVP

MANILA, Philippines – Hindi nabigo ang publiko sa pag-aantay sa malaking anunsyo ng negosyanteng si Manny V. Pangilinan ngayong Biyernes.

Ginulat ni Pangilinan ang buong Pilipinas matapos ihayag na magbibigay sila ng libreng internet para sa pre-paid subscribers ng Smart, Talk N Txt, at Sun.

"Internet access is a powerful stimulant to growth, and to improving the lives of people," wika ng negosyante.

Magkakaroon ng hanggang 30 megabites na libreng internet ang mga subscribers na tatakbo hanggang Nobyembre 30, 2014.

Kinakailangang magkaroon ng kahit piso na load upang magamit ang libreng internet.

Nitong kamakalawa ay nagpost sa kanyang Twitter account si Pangilinan tungkol sa kanyang anunsyo.

Marami ang nag-akalang tungkol ito sa politiko ngunit kaagad itong pinabulaanan ng negosyante.