Albay, kumilos agad para maiwasan ang krisis sa kuryente

LEGAZPI CITY, Philippines – Mu­ling hiniling ni Albay Gov. Joey Salceda ang suporta ng mga national­ power industry players­ para maiwasan ang kri­sis sa kuryente rito ma­tapos malagutan ng hininga ang 33-taong 20-MVA transformer sa Bitano substation ng Albay Po­wer Energy Corporation (APEC) dito nitong nakaraang linggo.

Kaagad nakipag-ug­nayan si Salceda upang makabili ng dala­wang ba­gong 10-MVA transfor­mers para maiwasan ang krisis.

Ang APEC ay ang dating Albay Electric Co­operative (ALECO) na kinuha ng San Mi­guel­ Power Corporation noong nakaraang taon para ma­wakasan na ang lalong tumatambak na pagkaka­utang, mismanagement at pag­kalugi.

Naka-instila na nga­yon ang unang yunit sa Bitano substation na du­mating noong Lunes. Inaasahang may kur­yente na sa gabi ng Martes. Inaasahang Martes darating ang ikalawang yunit para maibalik agad ang normal na supply­ ng kuryente

Pansamantalang nagtalaga ng rotational brownout ang APEC para tiya­king lahat ay hindi maapi sa suplay ng kuryenteng meron. Pinasalamatan din ni Salceda ang APEC dahil sa mabilisang pagkilos nito.

Pinuna ni Salceda ang paulit-ulit na bugso ng demand sa kuryente dulot ng lumalagong eko­nomiya ng lalawigan at patuloy na pagdagsa ng mga turista.