3-5 military camps gagamitin ng US troops
MANILA, Philippines - Tatlo hanggang limang kampo ng Armed Forces of the Philippines (AFP) ang ipapagamit sa US troops sa ilalim ng nilagdaang Enhance Defense Cooperation Agreement (EDCA).
Ayon kay Defense Undersec. Pio Lorenzo Batino, chairman ng negotiating team ng Defense panel, kabilang sa kampo ng AFP na ikinokonsidera ay ang Fort Magsaysay sa Palayan City, Nueva Ecija na punong himpilan ng Army’s 7th Infantry Division.
Ang nasabing kampo ay isang magandang venue dahil malawak ito at karaniwan ng dito ginagawa ang taunang Phl-US Balikatan joint military exercises.
Kasama rin ang Dingalan Bay na maaring maÂging training ground para sa pagmamaniobra ng mga barko ng US Navy at ang Fort Magsaysay na malapit sa Scarborough Shoal.
Bagaman nauna nang napaulat ang Subic Bay na isa sa posibleng venue ay tumanggi muna ang opisyal na kumpirmahin kung kabilang ito sa mga napiling lugar.
Ang Subic, Zambales ang dating pinagtayuan ng base militar ng Estados Unidos hanggang sa magsilayas ang tropang Kano matapos na bumoto ang Senado noong 1991 kontra rito.
- Latest
