General na idinadawit sa Jonas case, lusot sa CA

MANILA, Philippines - Nakalusot na kahapon sa makapangyarihang Commission on Appointment (CA) ang kontrobersyal na heneral ng Armed Forces of the Philippines na si Gen. Eduardo Año na isinasangkot sa Jonas Burgos case.

Kinumpirna ng Committee on National Defense ng Commission on Appointment ang promosyon ni Año bilang Major General.

Nakalusot din sa CA si Major General Aurelio Baladad kahit pa may tatlong nakabinbin itong kaso sa kabilang na ang Morong 43.

Ayon kay Sen. Antonio Trillanes IV, chairman ng naturang komite, nasagot na ng heneral sa nakaraang pagdinig ang isyu laban sa kanya.

Kabilang din sa mga nakumpirma ang 16 pang general.