Ex-SC Justice Serafin Cuevas pumanaw na
MANILA, Philippines - Nagluluksa ngayon ang mga kasamahan sa Korte Suprema sa pagpanaw ni dating Supreme Court (SC) Associate Justice Serafin Cuevas na itinuturing namang malaking kawalan sa mga naging katrabaho nito sa hudikatura.
Naka-half mast na ang watawat ng SC upang iparating ang pakikiramay at pagluluksa sa pamilya Cuevas.
Maging si dating paÂngulo at Manila Mayor Joseph “Erap†Estrada ay binansagang “one of the most brilliant legal minds†si Justice Cuevas.
Nakiramay naman si Pangulong Benigno Aquino III sa pagpanaw ni Cuevas.
Ayon kay PCOO Sec. Herminio Coloma Jr., nakikiramay ang Pangulo sa pagpanaw ng kilalang abugado na tumayong lead counsel sa impeachment trial nang pinatalsik na si dating Chief Justice Renato Corona. Pumanaw si Cuevas sa edad na 85.
Nagsilbi ding Justice Secretary si Cuevas sa panahon ni dating PaÂngulong Erap Estrada mula 1998 hanggang Feb. 15, 2000.
Bago naman siya nahirang bilang associate justice noong taong 1984 ni dating Presidente Ferdinand E. Marcos ay naging associate justice siya sa Intermediate Appellate Court.
Nagsimula siya sa kanyang career bilang professorial lecturer sa College of Law sa University of the Philippines at sa Institute of Law sa Far Eastern University.
- Latest
