Trust rating ng mga Pinoy sa China bagsak mula 2012

MANILA, Philippines – Lumabas sa pag-aaral ng Social Weather Stations (SWS) na mula noong 2012 ay “negative” ang trust rating ng mga Pilipino sa China.

Sinabi ni SWS President Mahar Mangahas na nasa -17 percent ang trust rating ng Piliinas sa China nitong nakaraang taon.

Kasalukuyang nasa isang territorial dispute ang Pilipinas dahil sa pag-aangkin ng China sa buong South China Sea (West Philippine Sea) dahil sa exclusive economic zones ng dalawang bansa.

Samantala, +82 percent naman ang trust rating ng Pilipinas sa Estados Unidos nitong 2013.

Lumabas din sa survey na +73 percent ng mga Pinoy ay suportado ang ginawang pagdala ng kaso sa teritoryo sa International Tribunal for the Law of the Sea (ITLOS).

Sang-ayon din ang mga Pinoy (+70 percent) na humingi ng tulong ang gobyerno sa ibang bansa sa kaso ng agawan ng teritoryo.

"The overwhelming support of the Filipino people for the arbitration case and our rules-based approach to the West Philippine Sea dispute proves that taking a principled stance, one that is based on respecting the rule of law and pursuing peaceful settlement of disputes, strongly resonates with the Filipino people," pahayag ni DFA Spokesperson Raul Hernandez.