PNoy darating ngayon sa S. Korea
SEOUL, South Korea – Darating dito ngayong araw si Pangulong Aquino para sa kanyang dalawang araw na state visit sa imbitasyon ni Korean President Park Geun-Hye.
Isang “red carpet†na pagsalubong ang naghihintay kay Pangulong Aquino sa pagdating nito ngayon.
Ngayon gaganapin ang official welcome ceremonies sa Blue House, ang Executive Office ng Head of State ng Republic of Korea at counterpart ng Palasyo ng Malacañang.
Mismong si President Park Geun-Hye ang maÂngunguna sa arrival honors kung saan magkakaroon ng 21 gun salute na susundan ng pag-awit sa national anthems ng dalawang bansa.
Matapos nito, sasamahan si Pangulong Aquino sa lobby ng Blue House para sa signing ng Guest Book at saka susundan ng mga summit talks nina PNoy at President Park sa loob ng Jiphyeon Room ng Blue House.
Magkakaroon ng state dinner sa Banquet Hall ng State Guest House bilang pagkilala sa delegasyon ng Pangulo.
Nauna ng sinabi ng Pangulo na itutuloy niya ang state visit sa Korea sa kabila ng nangyaring maÂlakas na lindol sa Bohol at Cebu noong Martes.
- Latest
