2 kaanak ng bibitaying Pinay pupunta sa China
MANILA, Philippines - Nakatakdang tumulak ngayong weekend patuÂngong China ang dalawang miyembro ng pamilya ng bibitaÂying Pinay na nahulihan ng may 6 kilong heroin habang papasok sa nasabing bansa.
Ayon kay Foreign Affairs Spokesman Raul Hernandez, inaasikaso na ng DFA ang pagtungo ng dalawang miyembro ng pamilya ng 35-anyos na Pinay sa Hangzhou, China upang makausap ang kanilang kaanak sa huling pagkakataon.
Personal ding aapela ang pamilya sa Chinese goÂvernment na huwag ituloy ang pagbitay at mapababaan ang kanyang sentensya.
Pinagtibay ng China’s Peoples Court ang parusang bitay laban sa Pinay matapos ang ibinabang desisyon ng lower court ng China at itinakda ang eksekusyon sa pagitan ng Hunyo 27 hanggang Hulyo 2, 2013.
Sinabi ni Hernandez na sa kasalukuyan, wala pang sagot ang Chinese government sa apela ni Pangulong Aquino na mabigyan ng commutation of sentence ang naturang Pinay.
Inamin kamakalawa ng DFA na tila “suntok sa buwan†o malabong magkaroon ng positibong aksyon ang China sa apela ng pamahalaan upang masagip sa bitay ang naturang Pinay tulad ng mga ginawang pagbitay sa apat na OFWs na umano’y mga drug mules.
- Latest
