2 bata lasog sa grenade launcher
MANILA, Philippines - Dalawang paslit ang nagutay ang katawan habang isa pa ang malubhang nasugatan matapos na masabugan ng eskplosibo na pinaglaruan ng mga ito sa Brgy. Magcawa, Al Barkha, Basilan nitong Miyerkules ng hapon.
Kinilala ni Basilan Provincial Police Office (PPO) Director P/Sr. Supt. Mario Dapilloza ang mga biktima na sina Saidi Kitabin, 9 at Sarhana Kitabin, 5 anyos.
Ang dalawa ay dead-on-the spot habang paÂtuloy na ginagamot sa hospital ang 15-anyos na si Mangelin Baddiri.
Ayon kay Dapilloza ang sumabog na bala ng M203 grenade launcher ay napulot ng mga bata sa madamong bahagi ng Sitio Pagtawanan, Brgy. Magcawa at sa pag-aakalang laruan ay ginawa itong mistulang bola na pinagpasa-pasahan.
Gayunman biglang sumabog ang grenade launcher na sumapul sa murang katawan ng dalawang paslit na kapÂwa nalasog.
Pinaniniwalaan namang pag-aari ng mga bandidong Abu Sayyaf ang napulot na bala ng M203 grenade launcher.
- Latest
