Nancy Binay, pinayuhan ni VP na maging matatag
MANILA, Philippines - Pinayuhan kahapon ni Vice-President Jejomar Binay sa kanyang anak na si Senator-elect Nancy Binay na maging matatag ito sa mga pambabatikos sa kanya.
Ayon kay VP Binay, matapos ang eleksyon at maiproklama bilang nanalong senador ay patuloy pa rin ang pambabatikos sa kanyang anak sa social networking site.
“Sabi ko kanina, ulitin ko, anak ikaw eh halal na, haharapin mo ay yung talagang mga misgivings ng mga nahahalal. ‘Yung batikos sa personal, pero magdasal ka lang at pakita mo sa kanila na hindi naman tama yung pinagsasabi nila,†ayon kay VP Binay sa panayam ng radio dzBB.
Noong Sabado, nakumpleto na ang “Magic 12†sa Senado para sa ika-16 Kongreso. Kasama sa mga ito ay sina Juan Edgardo Angara, Benigno Paulo “Bam†Aquino IV, Ma. Lourdes Nancy Binay, Alan Peter CaÂyetano, Chiz Escudero, Jose Victor Ejercito Estrada, Gregorio Honasan II, Loren Legarda, Mary Grace Poe-Llamanzares, Koko Pimentel, Antonio Trillanes IV at Cynthia Villar.
Sa ika-16 Kongreso, sasamahan ng bagong “Magic Â12†sina: Senate President Juan Ponce Enrile, Senate President Pro Tempore Jose “Jinggoy†Estrada, Senate majority leader Vicente Sotto III, Pilar Juliana “Pia†Cayetano, Miriam Santiago, Franklin Drilon, Teofisto Guingona III, Manuel “Lito†Lapid, Ferdinand “Bongbong†Marcos Jr., Sergio Osmeña III, Ralph Recto at Ramon Revilla Jr.
- Latest
