Donaire suportado pa rin ng Pinoys
MANILA, Philippines - Nabigo man si Nonito Donaire Jr. na mapag-isa ang WBO at WBA super bantamweight title laban kay Guillermo Rigondeaux sa kanilang bakbakan sa Radio City Music Hall, New York City, hindi pa rin natitinag ang suporta ng sambayanan sa ating Filipino Flash.
Ayon kay Deputy Presidential Spokesperson Abigail Valte, hindi man niya nakamit ang kaniyang pakay sa labang ito, nananalig ang buong bansa sa muling pagbangon at pagtindig ng Boxing Writers Association of America 2012 Fighter of the Year upang magsilbing inspirasyon sa milyun-milyon niyang mga kababayan at tagasuporta.
Natalo si Donaire via unanimous decision sa laban nito kay Rigondeaux sa New York City kahapon.
Ito ang ikatlong boxing champion ng Pilipinas na natalo sa kanilang kalaban. Kabilang rito sina Manny Pacquiao kay Juan Miguel Marquez noong Disyembre at Brian Viloria kay Juan Francisco Estrada.
- Latest
