CCTV mandatory na

MANILA, Philippines - Mapipilitan na ang lahat ng establisimyento sa bansa na maglagay ng closed circuit television (CCTV) cameras sa sandaling maisabatas ang House Bill 6672.

Inihain ng magkapatid na Cagayan de Oro Rep. Rufus Rodriguez at Abante Mindanao Partylist Rep. Maximo Rodriguez ang “CCTV Act of 2012” dahil na rin sa ulat ng Philippine National Police na mula noong January hanggang November 2011 ay umabot sa 230,817 krimen ang naganap.

Subalit dahil marami sa mga may-ari ng establishments ang umaangal dahil sa gastos sa pagkakabit ng CCTV kayat itinatakda sa panukalang batas na gawin itong mandatory requirements lalo na sa mga may trabahador na 20 pataas ang bilang at ang recording ng CCTV ay sa loob ng 24 oras.

Sinumang lalabag ay pagmumultahin at kakanselahin ang permit o lisensya hanggang sa magkabit sila sila ng CCTV.