Death toll kay 'Gener' 16 na
MANILA, Philippines - Umabot na sa 16 katao ang bilang ng nasawi sa pananalasa ng bagyong Gener at ng monsoon rains sa bansa.
Sinabi ni National Disaster Risk Reduction Council (NDRRMC) Executive Director Benito Ramos na dalawa sa mga nasawi ay sa landslide sa Benguet, walo ang nalunod, dalawa ang nadaganan ng puno, dalawang mangingisda ang hindi pa rin nakikita habang dalawa ang inaalam pa ang pagkakakilanlan.
Ayon kay Ramos, ang bagyo ay nakaapekto sa may 63,000 pamilya o kabuuang 303,000 katao na karamihan ay mga residente ng Luzon. Sa nasabing bilang nasa 1,027 pamilya o kabuuang 4,619 katao ang nasa mga evacuation center.
Naitala naman sa P2 milyon ang pinsala sa agrikultura at hayupan ng bagyong Gener partikular na sa Cagayan Valley Region.
- Latest
- Trending
