SMI tumanggap ng 2 parangal

MANILA, Philippines - Dalawang prestihiyosong parangal ang natanggap ng Sagittarius Mines,Inc., nitong nakaraang dalawang buwan. Ang SMI ay ang kontratista ng gobyerno sa panukalang Tampakan Copper-Gold Project sa South Cotabato.

Magugunita noong isang linggo matapos tanggapin ng SMI ang ikaapat na Presidential Mining Industry Environment Award (PMIEA), ang parent company nitong Xstrata Plc ay kinilalang Global Mining Sector Leader sa ikalimang sunod na taon at Super Sector Leader for basic resources industries sa taunang Dow Jones Sustainability Index review para sa 2011-2012.

Ang PMIEA ay pinakamataas na parangal na ipinagkakaloob ng pamahalaan sa isang kompanya sa pagmimina na nagpapakita ng pangunahing praktis sa nasusustenahang pag-unlad at responsableng pagmimina. Kabilang sa proseso sa pagbibigay ng award ang taunang pagrerepaso sa nagagawa ng mga kompanya ng pagmimina sa kalusugan at kaligtasan, pamamahala sa kalikasan, pagpapaunlad sa mga komunidad at pakikiharap sa mga apektado o sangkot sa pagmimina.