MANILA, Philippines - Nakatakdang ilunsad sa kauna-unahang pagkakataon ng Komisyon sa Wikang Filipino (KWF) ang dictionary database at on-line dictionary.
Sinabi ni KWF chairman Jose Laderas Santos, ilulunsad muna ng komisyon ang dictionary database sa Nov. 11 kasabay ng pagdiriwang ng ika-75 taong anibersaryo ng KWF.
Ang Database ay magsisilbing permanenteng imbakan ng mga nalikom na korpus ng Pilipinas na paglalagakan ng mga monolingguwal, bilingguwal
at multilingguwal na diksiyonaryo, tesauro, encyclopedia, glosaryo, siyentipikong bokabularyo at mga katulad na leksikograpikong materyales.