Plunder case uli vs GMA, ex-FG

MANILA, Philippines - Isa na namang plunder case ang isinampa sa Office of the Ombudsman laban kay dating Pa­ngulo at ngayon ay Pampanga Rep. Gloria Arroyo at mister niyang si Jose Miguel Arroyo, kaugnay ng ma­ano­malya umanong na­tional broadband deal contract.

Bukod sa mag-asawang Arroyo, kinasuhan din sina dating Comelec chairman Benjamin Abalos Sr., at dating Transportation and Communication Sec. Leandro Mendoza.

Bukod sa plunder si­nampahan din nina Ba­yan Muna Rep. Teddy Casino, dating Gab­riela Rep. Liza Maza at Maria Carolina Araullo, chair­person ng Bagong Alyan­sang Ma­­kabayan, ng kasong paglabag sa anti-graft and corrupt practices act at paglabag sa Code of Conduct and Ethical Standards of Public Officials and Emplo­yees ang da­ting Pangulo.

Nauna ng nagsampa sina Casino ng kasong graft laban kay Rep. Arroyo sa Department of Justice kaugnay ng ano­malya umano sa NBN-ZTE deal. Pero binawi ito nina Casino at nirebisa bago isi­nampa sa Ombudsman.

Ayon kay Casiño, ma­anomalya ang memoran­dum of understanding na pinasok ng Arroyo go­vern­ment at China-based company na Zhong Xing Telecommunications Equipment para sa NBN project na overpriced umano.

Sa imbestigasyon ng Senado, sinabi ng negos­yanteng si Jose de Venecia III na ang orihinal na proposal ng ZTE ay nagkakahalaga lamang ng $130 mil­yon subalit lumobo umano ito sa $262 milyon. 

Dahil sa kontrober­syang idinulot ng mga im­ bestigasyon sa kon­trata, kinansela ng da­ting pangulo ang kon­trata.