MANILA, Philippines - Magpapatupad ngayong araw ang independent group na Liquefied Petroleum Gas Marketers Association (LPGMA) ng 50 sentimong rolbak sa kada litro ng kanilang produkto.
Ayon kay LPGMA partylist Rep. Arnel Ty, maganda ang naging bunga ng pagkakapatay kay Al-Qaeda founder Osama Bin Laden kaya muling bumuti ang takbo ng bentahan ng langis at iba pang produkto sa world market.
Dahil dito kaya’t medyo sadsad pa rin umano ang international contract price ng LPG subalit unti-unti na itong nagkakaroon ng magandang development na inaasahang mararamdaman na sa mga darating na buwan.
Paliwanag ni Ty nagbaba lamang ng 50 sentimo ang kanilang mga miyembro dahil nauna na silang nagtaas ng P2.00 kada kilo samantalang ang big oil companies ay nagtaas naman ng P3.00 kada kilo.