Garcia plea bargain igigisa rin sa House

MANILA, Philippines - Isasagawa ng House of Representatives ang isang hiwalay na imbestigasyon sa ligalidad ng plea bargaining agreement ng Office of the Ombudsman at ni retired comptroller Maj. Gen. Carlos Garcia.

Sinabi ni House Justice Committee Chairman at Iloilo Rep. Niel Tupas Jr. na sisimulan ang imbestigasyon sa Martes ng umaga.

“Iimbestigahan ng komite kung balido ang plea bargaining agreement at anong lehislatibong remedyo ang kailangan dito,” sabi ni Tupas sa isang pahayag.

Sinabi ng mambabatas na titignan ng komite ang posibleng panana­gutan ng mga taong sangkot sa kasunduan.

Maaari anyang ire­komenda nila ang ki­nakaukulang parusa kung merong nagawang anomalya at iregularidad.

Magsasagawa rin ng kahalintulad na imbestigasyon ang Senate Blue Ribbon Committee.

Sinabi ni Senador Teofisto Guiongona III na iimbitahin nila si da­ting Armed Forces Chief Angelo Reyes para tumestigo.

Si Garcia ay naunang kinasuhan ng plunder dahil sa pagnanakaw umano ng P300 milyon mula sa kaban ng militar.

Nag-“plead” guilty si Garcia sa mas mababang kasong direct bri­bery at inatasang ibalik sa pamahalaan ang kalahati ng pera bilang bahagi ng kasunduan.