Dress code sa Senado

MANILA, Philippines –  Simula sa susunod na linggo, ipagbabawal na sa mga reporters na nagko-kober sa Senado na magsuot ng rubber shoes, kupas na maong,  at rubber slippers.

Ang istriktong pagpapatupad ng dress code para sa mga media na nagko-kober sa Senado ay nakapaloob sa memorandum na ipinalabas ni Raymundo Corro, Public Relations and Information Bureau chief ng Senado.

Bagaman at papayagan pa rin ang pagsusuot ng maong, o denim pants, para sa mga kalalakihan at kababaihan, hindi umano ito dapat kupas, may sira o rugged at dapat ay i-partner sa collared shirts.

 “Please be advise that starting January 17, 2011, Monday, all media personnel co­vering the Senate are required to wear proper attire during Senate plenary sessions and committee procee­dings,” anang memorandum na ipinalabas ni Corro.

Hindi na papayagan ang pagsusuot ng t-shirt na walang collar para sa mga lalaki

Nakapaloob din sa memorandum na ang mga lalake ay dapat magsuot ng slacks, pants, at suit pants, denim jeans, collared t-shirts, short o long sleeved polo shirts.

Ang mga babaeng reporters ay papayagan pa ring magsuot ng ‘classic sleeveless’ tops pero dapat umano itong nakapaloob sa car­digan o jacket.