Ligtas na paglalakbay ng mga motorista sa Undas, tiniyak ng LTO

MANILA, Philippines – Tiniyak ni Land Transportation Office (LTO) Chief Virginia Torres ang pagkakaroon ng ligtas na paglalakbay laluna ng mga pampasaherong sa­ sak­yan sa paggu­nita ng bansa sa All Saints day.

Inatasan na ni Torres ang mga regional directors at district heads ng ahen­siya na ipamalas ang road safety campaign sa mga motorista para mati­yak ang kaligtasan sa kalsada ng mga manla­lakbay at tuloy mapro­tektahan ang kapa­kanan ng mga motorista sa lan­sangan.

Pinaalalahanan din ni Torres ang mga motorista na tiyaking road worthy ang mga sasakyan bago magtungo sa kani-kani­lang destinasyon nga­ yong un­das at makaiwas sa sa­kuna at matinding trapiko.

Ngayong Biyernes, pinangunahan ni Torres at ni LTO NCR Director Camilo Guarin ang pag-ikot sa mga terminals para matiyak na road worthy ang mga bus na magha­hatid sundo sa mga pa­sahero para dalawin ang mga yumao nilang mahal sa buhay sa kani-kanilang mga destinasyon.

Sinabi din ni Guarin na hindi muna sila mang­huhuli ng mga pasaway na drivers mula Sabado, Oktubre 30 hangang Nob. 2 at pawang public assistance lamang ang ga­ gawin ng mga traffic en­forcres ng LTO sa Metro Manila.