Hontiveros umapela sa SC vs impeachment ni Gutierrez
MANILA, Philippines - Hiniling kahapon sa Korte Suprema ni dating Akbayan Partylist Rep. Risa Hontiveros at tatlong iba pa na irespeto ng Mataas na Hukuman ang independence ng Kongreso at payagan ito na ituloy ang impeachment proceedings laban kay Ombudsman Merceditas Gutierrez.
Sinabi ni Hontiveros na mahalagang irespeto ng Korte Suprema ang independence at authority ng Kamara upang madetermina ang validity ng impeachment complaint laban kay Gutierrez.
“This Honorable Court is not the proper venue for deliberating upon and deciding whether the complaints filed against Petitioner Gutierrez contain charges that constitute sufficient grounds for impeachment under the Constitution,” ayon kay Hontiveros.
Nauna nang nag palabas ng status quo ante order ang Korte Suprema laban sa Kamara upang itigil ang impeachment proceedings.
Ipinaliwanag naman ni Spokesman Midas Marquez, na hindi sila nag-isyu ng temporary restraining order sa kabila ng kahilingan ng Ombudsman dahil ang TRO ay iniisyu pag hindi pa nangyayari.
- Latest
- Trending
