BDZ makikipagtulungan sa gobyerno

MANILA, Philippines - Handa ang Bagger­werken decloedt en Zoon N.V. na makipagtulungan sa pamahalaan ng Pilipi­nas para masagot ang ilang depektong teknikal para matiyak na matata­pos sa Hunyo 2012 ang Laguna Lake Rehabilitation Project.

Ginawa ng BDZ ang pahayag kahapon maka­raang sabihin ng mga opisyal ng Department of Environment and Natural Resources sa isang pag­dinig sa Senado na mag­lalatag sila ng mga kundis­yon bago sila pumayag na ipagpatuloy ang pro­yek­tong ikinontrata noon ng pama­ halaang Arroyo sa naturang kumpanyang Belgian.

Sa pagdinig sa Senate finance commuttee, sinabi ni DENR Secretary Ramon Paje na kailangang mag­ka­roon ng reforestation sa Marikina watershed, third-party monitoring team na susubaybay sa proyekto at ang pagmamapa sa delineation ng mga hangganan ng Laguna Lake.

Sinabi naman ng BDZ sa pahayag nito na, para matiyak na magtata­gum­pay ang proyekto, isinama nila ang ganitong usapin sa kontrata dahil isina­alang-alang nila ang pag-aalala ng kabilang panig sa kapaligiran.

Nauna sa Laguna Lake rehabilitation project, ki­nontrata rin ang BDZ sa Pasig River dredging pro­ject na nakumpleto noong Agosto.