Mga nanay hinikayat mag-donate ng gatas

MANILA, Philippines - Hinikayat ni Caloocan City Mayor Enrico “Recom” Echiverri ang mga nanay na residente na maghan­dog ng kanilang gatas sa mga sanggol na bagama’t hindi nila kaanu-ano ay higit na nangangailangan naman ng breastfeeding.

Ayon kay Echiverri, ma­raming mga bagong panganak na sanggol nga­yon ang nanganga­ilangan ng gatas mula sa kanilang ina ngunit dahil sa hindi inaasahang dahilan ay hindi sila mapadede ng kanilang magulang.

Dahil sa mga ganitong sitwasyon ay hindi nakaka­kuha ng sapat na bitamina at sustansiya ang mga sanggol kaya’t karamihan sa kanila ay madaling dapuan ng mga nakaka­hawang sakit.

Bukod sa mga sanggol na kulang sa timbang ay makikinabang din sa prog­ramang ito ang mga infant na hindi kayang pasusuhin ng kanilang mga ina dahil sa mga hindi inaasahang pagkakataon.

Magagamit din ang mga nai-donate na gatas sa mga disasters at calamities kung saan ay higit na kaila­ngang mapa­dede ang mga sanggol.