Tig-isang ninong, ninang lang sa binyag ng anak - CBCP

MANILA, Philippines - Gusto ng Catholic Bi­shops’ Conference of the Philippines (CBCP) na limi­tahan sa isang pares lang ang kukuning ninong at ninang ng mga magulang para sa binyag at kumpil ng kanilang anak.

Ayon kay Fr. Melvin Castro, executive secre­tary ng CBCP-Episcopal Commission on Family and Life (ECFL), nakasaad sa Code of Canon Law na dalawa lamang ang dapat kuning baptismal spon­sors, isang babae at isang lalaki, na siyang ninong at ninang at ang mga ito na rin ang siyang tatayong isponsor ng bata sa kan­yang kumpil.

Paliwanag ni Castro, maraming magulang kasi ngayon ang kumukuha ng ma­raming ninong at ni­nang dahil ang ikinukon­sidera ng mga ito ay ang pagkakaibigan at kinakali­mutan na ang aktuwal na magiging papel ng mga ito sa binyag at confirmation ng kanilang anak.

Hinikayat din ni Cas­ tro ang mga magulang na “practicing Catholics” din ang kuning baptis­mal at confirmation spon­sors ng kanilang mga anak upang masi­guro na la­laki ang ka­nilang mga bata alin­sunod sa Ca­tho­lic teach­ings.

Hindi pabor ang Sim­ba­han kung ang kukuning ninong at ninang ay hindi Katoliko dahil sa tungkulin umano ng mga ito na turuan at gabayan ang mga bata hinggil sa ispi­rituwalidad.