P74.87-milyong mega lotto naibuslo

MANILA, Philippines - Naibuslo ng lone winner ang P74.871 milyong jackpot sa isinagawang lotto draw ng PCSO nitong Biyernes ng gabi.

Ayon sa Philippine Charity Sweepstakes Office, iisang tao lamang ang pinalad na makuha ang winning number combination na 38-01-37-21-24-25 para sa Megalotto 6/45 draw na may panalong P74,871,016.20.

Noong nagdaang Miyerkoles, Agosto 11 ay wala namang nakakuha sa Grand Lotto draw na may mas mataas na jackpot price na P94,667,781.60.

Sa pagkuha ng prem­yo, ang nanalo sa mega lotto draw ay kailangang magtungo sa PCSO main office sa Q.I. Compound sa Quezon City mula Lunes hanggang araw ng Biyernes mula alas-8 ng umaga hanggang alas 4:30 ng hapon dalhin lamang ang dalawang valid ID at ang nanalong ticket.