Trabahador sa Pier nagpasaklolo kay P-Noy

MANILA, Philippines - Hinimok ng mga or­ganisasyon sa North Harbor si Pangulong Benigno Simeon “Noynoy” Aquino III na agad kanselahin ang maanomalyang P14-bil­yong redevelopment pro­ject sa North Harbor.

Dahil dito, nanawagan ang mga grupong United Dock Handlers Inc ng North Star Port Development Corp; Interport Stevedoring; at Pier 8 Arrastre and Stevedoring Arrastre Services Company Inc, na agad aksyunan ang kon­trata para sa redevelopment project sa North Harbor upang maibalik sa normal ang operasyon sa isa sa mga pangunahing pantalan sa bansa.

Sa isang liham, sinabi ni retired Colonel at maritime stakeholder Leonardo Odo­ ño na dapat na agad ma­kansela ang kontrata sa pagsasapribado ng North Harbor sa pagitan ng Philippine Ports Authority (PPA) at ng Manila North Harbor Port Inc. (MNHPI) consortium dahil sa simula pa lamang ay palyado na umano ang bidding para sa proyekto.

Binigyang diin ni Odo­ño na ang MNHPI consortium ang kaisa-isang bid­der para sa P14- bil­yong re­development pro­ject samantalang naka­saad sa batas na kaila­ngang may dalawang bidders bago maisagawa ang isang ma­ta­gumpay na bidding. Aniya, may kapang­yarihan ang PPA na ipa­walangbisa ang bid dahil ito ay maitu­turing na illegal ngunit ipinagpatuloy nito ang bidding kapalit ng hindi pagsasampa ng kaso sa korte laban dito.

Ibinunyag pa ni Odoño na hindi nagsagawa ng beripikasyon ang PPA para mabatid ang kapasidad ng MNHPI para harapin nito ang responsibilildad at obligasyon sa pinasok nitong kontrata.

Nanawagan si Odoño para sa mga shipping service organizations, na agad panghimasukan ng Pangulong Aquino ang transaksyon para sa ikabubuti ng mga stakeholders sa North Harbor at para sa tuluyang moderna­sisasyon ng pantalan.