'Sex education' papalitan ng pangalan

MANILA, Philippines - Dahil sa maling konsepto sa kata­gang “sex”, posibleng palitan na la­mang ng Department of Education (DepEd) ang tawag dito matapos na ma­katanggap ng pagkontra ng sim­ba­hang Katoliko.

Ilan sa mga nakarating na su­hestiyon sa DepEd na maaaring ipalit sa tawag na ito ay ang “reproductive health education” o “reproductive program education”. Ang ta­wag na “sex education” umano ang ta­wag base sa “international standards” na ipinatu­tu­pad sa Amerika at sa Europa.

Sinabi ni Jonathan Malaya na maaaring maling kon­­­septo o pakahulugan ang tumanim sa isipan ng mga kumu­kontra sa “sex edu­cation” kung saan naka­rating sa kanila na po­sibleng iniisip na ma-e-“excite” ang mga estudyante sa gaga­wing pagtuturo nito. 

Nakatakda namang mag­sa­gawa ng konsultasyon ang DepEd sa Catholic Bi­shop Conference of the Philip­pines (CBCP) sa Hun­yo 15-18 kung saan ipapa­liwanag nila ang nila­laman ng ka­nilang aralin at sistema ng pagtuturo.

Sinabi rin ni Malaya na bukod sa simbahang Ka­toliko, wala nang ibang gru­pong relihiyoso ang naririnig nilang kumukontra sa pag­tuturo ng sex education sa mga pa­aralan.