CBCP ok sa 'jejemon' fever

MANILA, Philippines - Naniniwala ang Catholic Bishops’ Conference of the Philippines (CBCP) na walang dapat na ikabahala sa “jejemon” dahil ito’y pamamaraan lamang ng mga kabataan upang ipahayag ang kanilang mga sarili.

Ayon kay Masbate Bishop Joel Baylon, chairman ng CBCP-Episcopal Commission on Youth, walang dapat na ikabahala sa pagiging “jejemon” ng mga ka­bataan dahil ito’y “uso” lamang na sa paglipas ng mga araw ay tiyak na lilipas din.

Inihalintulad pa ng Obispo ang jejemon sa mga uso noong araw na “hippie,” at “jeprox,” na iba’t ibang ekspresyon ng mga kabataan sa iba’t ibang henerasyon, na malaunan ay napaglipasan na rin ng panahon.

“I’m not really worried about jejemon, It’s just a passing fad,”  ayon kay Baylon.

Binigyang-diin pa ng Obispo na ang mas dapat na pagtuunan ng pansin ay ang pag-uugali ng mga kabataan sa likod ng lengguwahe, tulad ng kanilang chastity, pagiging disente at katapatan, at ang prinsip­yong humuhubog sa karakter ng mga ito.

Nauna rito, hinimok ng Department of Education (DepEd) ang mga kabataan na huwag gumamit ng jejemon sa pakikipag-komunikasyon dahil ito’y makasisira umano sa kanilang language skills.