MANILA, Philippines - Hindi naniniwala ang mga Parañaqueños na nagmula sa kampo ni dating Parañaque Mayor Joey Marquez ang pagpapakalat na mga poisoned flyers na sumisira sa kredibilidad ng kanyang mga katunggali sa mayoralty race.
Ayon sa mga residente, wala anyang kakayahan si Marquez para magsagawa ng ganitong uri ng paninira dahil wala naman itong pondo upang magsagawa ng caucus at rally.
Iginiit ng mga residente na posibleng ang tunay na nasa likod o utak sa nasabing dirty politics ay mula sa kampo umano ni incumbent Mayor Florencio Bernabe Jr. dahil ang ganitong uri anya ng pamumulitika ay may kakayahang gumastos.
Inihalimbawa nila ang pagsuway ni Bernabe sa Commision on Elections sa simpleng batas hinggil sa itinakdang sukat ng poster at tarpaulin.