MANILA, Philippines - Malugod na pinasalamatan ni Pwersa ng Masang Pilipino senatorial candidate Joey de Venecia III ang dalawang kilalang politiko sa Southern Luzon matapos na iendorso ng mga ito ang kaniyang kandidatura.
Noong nakaraang linggo ay personal na inindorso ni Albay Gov. Joey Salceda sa isang himpilan ng radyo si de Venecia sa kaniyang may 700,000 botante sa Albay dahil sa mga ipinakitang katapangan at katatagan ni de Venecia gayundin ang abilidad na talakayin ang mga isyung kinakaharap ng bansa na siyang kinakailangang kalidad ng isang miembro ng Senado.
Nagpahayag din ng pasasalamat si de Venecia kay Lakas-Kampi senatorial candidate Senator Ramon “Bong” Revilla, Jr., matapos nitong ihayag ang pagsuporta sa kanya.
Ayon kay De Venecia, ang hindi inaasahang suporta nina Revilla at Salceda ay magsusulong sa mga katulad niya na batang politiko ng bagong henerasyon na magiging katuwang ng susunod na administrasyon sa mabilis na pag-angat ng bansa.