Reporter, comatose sa heat stroke

MANILA, Philippines - Isang reporter ng DZME ang comatose nga­yon sa ospital ma­tapos na atakihin ng heat stroke habang nagre-report kaha­pon ng umaga sa may Ilustrado Restaurant, Intra­muros, Maynila.

Alas-10 ng umaga, nang bigla na lamang bu­magsak si Romulo “Molly” Angeles, 55, ng Marilao, Bulacan sa kalagitnaan ng kanyang panayam kay Ali Atienza na siyang kuma­tawan kay dating DENR Secretary at Mayoralty candidate Lito Atienza, sa lingguhang CBCP forum na ginanap sa Ilustrado Rest.

Sinabi ni Mike Al­monte, ng DZAR, mag­katabi sila sa upuan ni Angeles nang bigla na lamang sumubsob sa hita ni Ali habang kina­kapa­nayam.

Kaagad namang isi­nu­god sa Manila Doctors Hospital si Angeles gamit ang sasakyan ni Ali, pero hanggang sa isinusulat ang balitang ito ay “comatose” pa rin si Angeles.

Sinabi ni Almonte, na­ki­angkas pa sa kanyang motorsiklo si Angeles pa­punta sa Ilustrado at wala namang sintomas na ina­atake na bagama’t naka­ka­panibago na nakiang­kas ito sa isang kasa­mahan dahil may sarili naman itong motorsiklo.

Gayunman, nabatid na may dati nang sakit na hypertension si Angeles at posibleng ang napaka­init na panahon ang nag­paig­ting sa kanyang kon­disyon. (Doris Franche)