Simpleng Pangako tinupad ni Villar

MANILA, Philippines - Halos siyam na taon na ang nakararaan nang unang tumapak si Sen Manny Villar sa maliit na bayan ng Mallig, Isabela pero hanggang ngayon ay hindi pa rin siya naka­kalimutan ng mga tao rito dahil sa pagtupad niya sa isang “maliit” na pangako.

Nangampanya si Villar sa bayang ito na mayroon lamang halos 16,000 botante noong 2001 nang tumakbo siyang senador. At ngayong kumakan­didato siyang pangulo sa darating na Mayo, malaki ang pag-asa na makuha muli ng senador at running mate niyang si Sen Loren Legarda ang suporta ng mga mamamayan dito.

Kuwento ni Mayor Edward Isidro, kapartido ng Nationalist People’s Coalition, tumatanaw ng mala­king utang na loob kay Villar ang mga tao sa kan­yang nasasakupan dahil sa tulong na ibinigay nito nang dumanas ng matin­ding tagtuyot ang kanilang bayan noong 2001.

Nangangampanya umano si Villar noong 2001 nang magbigay ito ng pa­ ngako sa mga tao sa Mallig na magbibigay ng “kuliglig” (maliit na traktora) para ma­gamit nila sa pag­bubungkal ng lupa at maka­tu­long sa kanilang pagtatanim.

Nang matapos ang halalan at nanalo si Villar na senador, hindi naghin­tay nang matagal ang mga mamamayan ng Mallig at dumating sa kanila ang ipinangako nitong “kuliglig” na maaari ring gamitin sa transportasyon at ibang makabuluhang bagay. (BQ)