Scholarship para sa mga kaanak ng OFW sa Taiwan inilunsad ng MECO

MANILA, Philippines - Pormal ng inilunsad ng Manila Economic and Cultural Office (MECO)  ang bagong scholarship program para sa mga kuwa­lipikadong miembro ng pamilya ng mga OFW par­ti­kular yaong mga nagna­nais mag-enrol sa science at  technology college courses.

Inihayag ni MECO Chairman Tomas I. Alcan­tara na ang naturang prog­rama ay inilunsad sa pakikipag­tulungan ng Department of Science and Technology Science Education Institute (DOST-SEI) upang mabig­yan ng pagkakataon ang may 10 kuwalipikadong kaanak ng OFW sa Taiwan.

Binigyang diin pa ni Alcantara na ang progra­mang ito ng MECO ay ma­laking tulong upang mapa­tatag ang kapabilidad ng bansa na makalikha ng mga de-kalibreng scientists, engineers, physicists, at iba pang S&T professionals.

Ang MECO at DOST-Science Education Institute (DOST-SEI) ay lu­magda sa isang Memorandum of Understanding para sa MECO-DOST-SEI Scholarship Program sa mga karapat-dapat na anak o kaanak ng mga OFW na kasalukuyang nagsisi­pagtrabaho sa Taiwan o yaong mga isang taon ng nagtrabaho sa naturang bansa.