MANILA, Philippines - Siniguro ng mga mga residente ng North Cotabato na si Lakas-Kampi-CMD standard bearer Gilbert “Gibo” Teodoro Jr. ang nais nilang susunod na maupo sa Malacanang.
Sinabi ni North Cotabato Gov. Jesus “Susing” Sacdalan na si dating Defense Secretary Teodoro ang dahilan kung bakit nanatiling mapayapa ang kanilang probinsiya at rehiyon lalo na noong ito pa ang kalihim ng Department of National Defense.
Ipinaala din ni Sacdalan sa kanyang mga kababayan na si Gibo ang agad na sumaklolo sa kanila noong Agosto 2008 ng maghasik ng terorismo ang grupo ni Umbra Cato kaya kaagad ding nanumbalik ang kaayusan sa kanilang probinsiya. Dumalo si Gibo sa ika-12 founding anniversary ng Kidapawan City noong Biyernes.
Ipinangako ni Sacdalan kay Teodoro na ang 600,000 voters ng kanilang lalawigan ay nagkakaisa at sisiguruhin na ito ang susunod na Pangulo ng bansa. (Rudy Andal)