Mga 'floating coffin' huwag nang paglayagin

MANILA, Philippines - Hindi na umano dapat makapaglayag sa karaga­tan ang mga tinatawag na ‘floating coffin’ kung saan puwedeng ibilang ang mga dating cargo na ginawang passenger vessels.

Ito ang sinabi kahapon ni Vice President Noli “Ka­bayan” de Castro kasunod ng mga trahedyang nang­yari sa karagatan nitong holiday season.

Ayon kay de Castro, na­lalagay sa peligro ang bu­hay ng mga mama­mayang sumasakay sa mga bar­kong hindi naman ligtas na gamitin bilang passenger vessels.

Nabubuhay ang isyu ng mga tinatawag ng ‘floating coffin’ o mga barkong de­likado ng sakyan tuwing magkakaroon ng trahedya sa karagatan.

Dumadagsa ang mga pasaherong sumasakay ng barko tuwing holiday season upang makasama ang kanilang mga mahal sa buhay na nasa mga probin­siya.

Kung ipagbabawal ang mga altered na barko o mga dating cargo na gina­wang passenger vessels, ay posible anyang maiwa­san ang mga aksidente sa karagatan.

Pero sa panig naman ni Marina administrator Elena Bautista, dapat tulu­ngan ang mga nasa shipping industry para ma-upgrade ang kanilang mga barko.

Ayon kay Bautista, ka­ilangang magkaroon ng isang financing program kung saan maaring maka­utang ang mga negos­yante sa mas mababang interes. (Malou Escudero/Rudy Andal)